வாழைக்காயின் காம்பு பகுதி மற்றும் பின் பகுதியை நீக்கி விட்டு இட்லி தட்டில் வைத்து 10நிமிடம் ஆவியில் வேக வைக்கவும். அல்லது குக்கரில் 2விசில் வைக்கவும். வெந்த வாழைக்காயின் மேல்புற தோலை நீக்கி விட்டு மசித்து கொள்ளவும். ஒரு வாணலியில் 3டேபிள் ஸ்பூன் நெய் சேர்த்து சூடானதும் அதில் வாழைக்காய் மசியலை சேர்த்து 5நிமிடம் மிதமான தீயில் வதக்கவும்.

வாழைக்காய் சற்று பச்சை நிறத்தில் நிறம் மாறும் அப்போது பாலை சேர்த்து மிதமான தீயில் வேக விடவும். அவ்வப்போது கிளறி விடவும். பால் வற்றி திக்கான உடன் சிட்டிகை உப்பு மற்றும் சர்க்கரை சேர்த்து கிளறவும்.

விரும்பினால் மேலும் சிறிது பால் சேர்க்கலாம். சர்க்கரை கரைந்து வாழைக்காயுடன் நன்றாக கலந்து அல்வா பதத்திற்கு வந்ததும் ஏலக்காய் தூள், சுக்கு தூள் மற்றும் விரும்பிய நட்ஸ்களை சேர்த்து கிளறவும். இந்த சமயத்தில் விருமினால் கோவா சேர்த்து கிளறினால் இன்னும் சுவை கூடும்.