முதலில் கடலைப்பருப்பை 2 மணி நேரம் ஊற வைத்துக் கொள்ளவும். பருப்புடன் சேர்த்து வரமிளகாய் சோம்பு சேர்த்து ஊறவைக்கவும்

வாழைப்பூவில் உள்ள நரம்பு மற்றும் குடல் வலி நீக்கி பொடியாக அரிந்து கொள்ளவும் பிறகு கொத்தமல்லி இலை கறிவேப்பிலை இஞ்சி இவற்றை பொடி பொடியாக நறுக்கி எடுத்துக் கொள்ளவும் வெங்காயத்தையும் பொடியாக நறுக்கி எடுத்துக் கொள்ளவும்

ஊறவைத்த கடலைப்பருப்பை வரமிளகாய் உப்பு இஞ்சி சோம்பு இவற்றைச் சேர்த்து கரகரப்பாக அரைத்து எடுத்துக் கொள்ளவும். அரைத்த மாவுடன் நறுக்கிய வாழைப்பூ(வாழைப்பூவை நன்கு இறுக்கி பிளிந்த பின்மாவுடன் சேர்க்கவும்) நறுக்கிய வெங்காயம் கொத்தமல்லி இலை கறிவேப்பிலை பச்சை மிளகாய் இவற்றைச் சேர்த்து பெருங்காயம் சேர்த்து மாவை பிசைந்து கொள்ளவும்

மாவை சிறு சிறு உருண்டைகளாக உருட்டி வடை போல் தட்டி சூடான எண்ணெயில் பொரித்தெடுக்கவும்

புளிப்பில்லாத தயிரில் தாளிப்பு சேர்த்து கொஞ்சம் கேரட் துருவல் மற்றும் கொத்தமல்லி இலை சேர்த்து எடுத்துக் கொள்ளவும்

தாளிப்பு தயிருடன் வாழைப்பூ வடையை சேர்க்கவும் சுவையான வாழைப்பூ தயிர் வடை தயார்