ओलं खोबरं आणि साखर मिक्स करून थोडा वेळ ठेवावी, म्हणजे चांगली मुरते. मग कोमट दुधात केशर घालून ठेवावे.

कढई मधे तूप घालून त्यात ओलं खोबरं आणि साखरेचे मिश्रण घालून परतावे. थोडेसे सुकायला लागल्यावर त्यात मलाई घालून ढवळावे आणि परत मिश्रण ढवळून सुकवावे.

मग त्यात केशराचे दूध घालावे आणि मिक्स करून वेलची पावडर घालून परतावे.

आवडी प्रमाणे बदाम पिस्ता तुकडे खोबर्याच्या मिश्रणात घालून मिक्स करावे. कढईच्या साइडला मिश्रण सुकायला लागल्यावर वडी बनवायला तयार आहे.

एका प्लेटला तूप लावावे आणि त्यावर खोबर्याचे मिश्रण थापून त्याच्यावर बदाम पिस्ता तुकडे लावून ओलसर असतानाच सुरीने कापून वड्या पाडाव्यात. खोबर्याची बर्फी तयार आहे.