भाज्या चिरुन ठेवायच्या आणि खोबर्याचे वाटण करुन ठेवायचे.

कुकर मधे फोडणी साठी तेल घालून त्यात मोहरी, जीरे तडतडल्यावर हिंग आणि काजूचे तुकडे घालून जरा ब्राऊन होईपर्यंत परतून घ्यावे. त्यावर बारीक चिरलेला टोमॅटो, सिमला मिरची घालून परतून मग तिखट पूड, हळद, धणे जीरे पावडर आणि मीठ घालून परतावे.

मग त्यात फ्लाॅवर, वाटाणे, गाजर आणि हवे त्या भाज्या घालून सर्व एकत्र करावे. भाजी मधे खोबर्याचे वाटण घालून मिक्स करावे.

साधारण भाजीच्या वर येईल किंवा कमी जास्त प्रमाणात पाणी घालून त्यावर एक चमचा गरम मसाला पावडर आणि एक चमचा तूप घालून मग कुकर बंद करुन एक शिट्टी येईपर्यंत भाजी शिजवावी. छान चमचमीत तर्रीदार भाजी तयार होते. कांदा लसूण नाही घातलं तरी पण या कुर्मा भाजीची चव अगदी अफलातून लागते. चपाती, भात कशाबरोबर पण खायला नक्कीच आवडेल.