पॅनमध्ये तेल करावे. तेल गरम झाले की त्यामध्ये चिरलेला कांदा गोल्डन ब्राऊन कलर येईस्तोवर तळून घ्यावा. त्यासोबतच खोबऱ्याचे पातळ काप घालावे व कांदा व खोबरे खरपूस कुरकुरीत रंग येईपर्यंत तळून घ्यावे.

कांदा व खोबरे थंड झाले की मिक्सरच्या पॉटमध्ये घालावे व त्यातच आल्याचा तुकडा, दहा ते बारा लसूण पाकळ्या, टमाटर चे काप (ऐच्छिक) कोथिंबीर, थोडीशी जाड शेव (यामुळे रस्सा ताट होतो व रस्सायाला चांगली चव येते) घालून वाटण तयार करून घ्यावे. आवश्यकता असल्यास थोडेसे पाणी वाटणात घालू शकता.

ज्या तेलात कांदा तळला त्यातच तयार केलेले वाटण घालावे. थोडे पाणी घालून वाटण चांगले परतून घ्यावे. नंतर त्यामध्ये बाकीचे सर्व सुके मसाले म्हणजे तिखट, धने पावडर, जीरे पावडर, हिंग, काश्मिरी लाल तिखट (रंग येण्यासाठी) हळद, खानदेशी काळा मसाला/ घरगुती गरम मसाला/ सावजी मसाला(यापैकी कुठल्याही मसाला) घालावा. चांगले मिक्स करून, तेल सुटेपर्यंत मसाला चांगला परतून घ्यावा. दोन मिनिट परतल्या नंतर त्यामध्ये आवश्यकतेनुसार गरम पाणी घालावे. रस्सा थोडा पातळ ठेवावा. कारण शेव घातल्यावर रस्सा घट्ट होतो.

चवीनुसार मीठ घालावे व रस्सायाला उकळी येऊ द्यावी. रस्सायाला उकळी आली की गॅस बंद करावा. व वरून कोथिंबीर घालावी.

तयार आहे आपला शेव भाजी साठी लागणारा रस्सा...
खायला देताना वाटीत शेव त्यावर गरम गरम रस्सा, थोडीशी कोथिंबीर आणि सोबत थंड गार मठ्ठा देऊन सर्व्ह करावे...
ही भाजी तुम्ही पोळीसोबत, भातासोबत, रोटीसोबत, ब्रेड सोबत सर्व्ह करू शकता..
तेव्हा नक्की ट्राय करा *खान्देशी शेव भाजी*... 💃 💕

टिप.. रस्साभाजीत मीठ थोडे कमीच घालावे. कारण शेव मध्ये देखील मीठ असते.
२) कांदा खोबरे खरपूस तळून घेतल्याने भाजीला खूप छान चव आणि रंग येतो.