प्रथम दोन पेले बेसन चाळून घेतले. मग एका बाउल मध्ये थोडे पाणी घेवून त्यात तीन चमचे साखर विरघळवून घेतली.

मग त्यात एक चमचा सायट्रिक ऍसिड घालून ते विरघळवून घेतले. आणी हे मिश्रण बेसन पिठात मिक्स करून घेतले.

नंतर त्यात एक चमचा मीठ व चिमुटभर हळद घालून मिक्स करून घेतले. हे मिश्रण करण्यासाठी थोडे थोडे पाणी घालून बटाटा भजी प्रमाणे पीठ बनवून घेतले.

मग त्यात अर्धा इंच आले किसून घातले. मग त्यात तीन चमचे तेल घालून फेटून घेतले. हे बटर दहा मिनिटे फेटून घेतले. नंतर त्यात एक चमचा बेकिंग सोडा घालून एकाच दिशेने 5-7 मिनिटे फेटून घेतले.

नंतर हे तयार केलेले मिश्रण एका केकच्या भांड्याला आतून तेल लावून त्यात मिश्रण घालून पाण्याला उकळी आल्यावर, त्यात खाली रिंग घालून त्यावर भांडे ठेवून 25 ते 30 मिनिटे मिडीयम गॅसवर शिजवून घेतले. त्या नंतर गॅस बंद केला. व अर्ध्या तासाने ढोकळा बाहेर काढून घेतला.

मग एका कढईत 3 चमचे तेल घालून ते गरम झाल्यावर त्यात दोन चमचे राई घातली. राई तडतडल्यावर त्यात 4-5 हिरव्या मिरच्या उभ्या चिरून घातल्या. थोडी कडीपत्ता पाने व 1 पेला पाणी व चार चमचे साखर, थोडे मीठ व चिमुटभर सायट्रिक ऍसिड घालून पाण्याला उकळी आल्यावर, व साखर विरघळलयावर ढोकळा बाहेर काढून ताटामध्ये ठेवला.

नंतर ढोकळयाचे तुकडे करून घेतले. मग उकळून कोमट झालेले पाणी ढोकळयावर घालून, त्यावर कोथिंबीर घालून, साधारण 10 ते 15 मिनिटे मुरू द्यावे. आता सर्व्ह करा खमण ढोकळा.