இட்லி அரிசியையும் சாமை அரிசியையும் தண்ணீர் சேர்த்து நன்றாக கழுவிக் கொள்ளவும்.ஆறு மணி நேரத்திலிருந்து 8 மணி நேரம் வரை ஊற வைக்கலாம். உளுத்தம்பருப்பை அரைப்பதற்கு இரண்டு மணி நேரத்திற்கு முன்பு கழுவி வெந்தயம் சேர்த்து ஊற வைத்துக் கொள்ளவும்.

முதலில் உளுந்தை கிரைண்டரில் பொங்க ஆட்டி எடுத்து வைத்துக் கொள்ளவும்.பிறகு இட்லி அரிசி கிரைண்டரில் சேர்த்து தண்ணீர் ஊற்றி நன்கு கரகரப்பாக அரைத்துக் கொள்ளவும். வழிப்பதர்க்கு 5 நிமிடம் முன்பே உப்பையும் சேர்த்து அரைத்துக் கொள்ளவும். மாவை வழித்து உளுந்து வழித்த பாத்திரத்தில் சேர்த்து கிரைண்டரை கழுவி தேவையான அளவு இந்த தண்ணீர் சேர்த்து இட்லி ஊற்றும் பதத்திற்கு நன்கு கரைத்துக் கொள்ளவும். தேவையான அளவு மாவை வெளியில் வைத்து புளிக்க வைத்து கொள்ளவும். எட்டிலிருந்து பத்து மணி நேரம் வரை புளிக்க வைக்கவும்.

மீதி மாவை ஃப்ரிட்ஜில் வைத்துக் கொண்டு தேவையான போது வெளியில் எடுத்து வைத்து புளிக்க வைத்து மீண்டும் இட்லி அல்லது தோசை ஊற்றி கொள்ளலாம்.மறுநாள் காலை இட்லி பாத்திரத்தில் தண்ணீர் சேர்த்து கொதிக்கவிடவும். இட்லி மாவை கரண்டி கொண்டு நன்றாக ஒருமுறை கலந்து இட்லி தட்டில் அளவாக ஊற்றி 7 நிமிடம் வரை வேக விடவும். இட்லி வெந்து விட்டதா என்று பார்த்துவிட்டு இட்லியை ஹாட் பேக்கில் எடுத்து வைத்துக் கொள்ளவும்.

இந்த இட்லிக்கு ஏதாவது ஒரு புளி சட்னி கிரீன் சட்னி மிளகாய் சட்னி சாம்பார் எது வேண்டுமானாலும் தொட்டுக்கொண்டு சாப்பிடலாம். ஆரோக்கியமும் கிடைக்கும் அதே சமயம் சாப்பிடாத குழந்தைகள் கூட இந்த இட்லி சாப்பிடுவார்கள். நான் இன்று இந்த இட்லிக்கு பாசி பருப்பு தக்காளி சாம்பார் செய்தேன். சூடான இட்லி மேல் சாம்பார் ஊற்றி நெய் சேர்த்து சாப்பிட மிகவும் சுவையாக இருந்தது. நான் மேற்கொண்ட இந்த முயற்சி நன்றாக அமைந்தது. பகலில் பஞ்சு போல் இருந்தது.