ओल्या मटारच्या शेंगा सोलू न दाणे काढून घ्यावे किंवा फ्रोजन मटार घ्यावा. २ टोमॅटो बारीक चिरून घ्यावे.

कुकर मधे तेल घालून त्यात फोडणीसाठी मोहरी जीरे घालून तडतडल्यावर बारीक चिरलेला टोमॅटो घालून त्यावर हिंग घालून परतावे.

मग त्यात तिखट पूड, हळद, धणे जीरे पावडर, गरम मसाला पावडर, चवीप्रमाणे मीठ आणि साखर घालून मिक्स करुन परतावे.

त्यात मटार घालून मिक्स करुन ओलं खोबरं आणि थोडं पाणी घालून दोन शिट्या काढून मटार उसळ शिजवून घ्यावी.

मटार उसळ मधे बारीक चिरलेली कोथिंबीर घालून सर्व्ह करावी. ही सात्विक मटार मी उसळ नैवेद्यासाठी वाढली.