પેન માં તેલ ગરમ કરી તેમાં તમાલપત્ર, તજ,લવિંગ, આખાં મરી(બે - ત્રણ),ઈલાયચી અને જીરું ઉમેરી ને સરસ સાંતળો,પછી તેમાં કાપેલી ડુંગળી અને લીલાં મરચાં ના કટકાં ઉમેરી ને ડુંગળી પારદર્શક થાય ત્યાં સુધી સાંતળી લો.

હવે,એક કપ માં દહીં લઈ તેમાં લાલ મરચું,હળદર,મરી નો અધકચરો ભૂકો અને ગરમ મસાલો ઉમેરી ને સરસ ભેળવી લો,અને આ મસાલો મિશ્ર કરેલ (મેરીનેટ કરેલ દહીં) ને પેન માં ઉમેરી ને શાક માં સરસ ભેળવી લો, શાક માં થી તેલ છુટું પડે એટલે તેમાં કાપેલા ફુદીના ના પાન અને કાપેલી કોથમીર ઉમેરી ને સરસ ભેળવી લો.

હવે,શાક માં થી 1/2 શાક અલગ પ્લેટમાં કાઢી લો અને બાકી નું અડધાં શાક ને પેન માં પાથરી લો,તેના પર અગાઉ થી રાંધેલા ચોખા માં થી થોડા ચોખા ઉમેરી ને તેનાં પર પાથરી દો,પછી તેના પર સમારેલા કોથમીર અને ફુદીના ને ભભરાવીને ઉપર ઘી ફરતે ઉમેરી ને પછી પાછું પ્લેટમાં કાઢેલ શાક પાથરી,તેનાં પર બાકી નાં રાંધેલા ચોખા ઉમેરી, કોથમીર અને ફુદીના ના પાન ભભરાવીને પછી માખણ કે થીજેલુ ઘી ફરતે રેડી/મૂકી ને ઢાંકણ ઢાંકી રાખી લો.

૧ મિનિટ પછી તેમાં થોડુંક દૂધ(જો ઈચ્છો તો દૂધ માં કેસર નાં તાતણાં કે કેસરી રંગ મિક્ષ કરી ને લઈ શકાય...મેં ફકત દૂધ જ લીધું છે) ઉપર થી ચારેતરફ છાંટી ને ઢાંકણ ઢાંકી ને ૭ મિનિટ માટે ગેસ ની ધીમી આંચ પર રાખી ને મૂકો.

૭ મિનિટ પછી ગેસ બંધ કરી દો ને તૈયાર વેજીટેબલ બિરયાની ને સર્વિગ પ્લેટમાં કાઢી ને ડુંગળી ના ગોળાકાર પતીકા,લાલ મરચાં ના કટકા, કોથમીર ના પાન અને થોડુ ઘી ઉમેરી ને ગરમાગરમ પીરસો.

આ વેજ.બીરયાની પીરસો.