चिकन करी करण्यासाठी आधी चिकनला स्वच्छ धुऊन घ्यावे व त्याला मॅरीनेट करण्यासाठी त्यामध्ये मिरची पावडर,हळद, आले लसून पेस्ट, मीठ व दही घालून चांगले मिक्स करून 15 ते 20 मिनिटे मॅरिनेट करण्यासाठी थंड जागी ठेवून द्यावे.

पॅनमध्ये थोडेसे १ टेबलस्पून तेल घ्यावे. त्यात सर्व खडे मसाले घालावे नंतर त्यात बारीक चिरलेला कांदा, हिरव्या मिरच्या घालाव्यात. कांद्याला ब्राऊन कलर आला की त्यामध्ये टोमॅटो घालावा व दोन तीन मिनिटे परतल्यानंतर गॅस बंद करावा. थंड करून मिक्सरमध्ये वाटून तयार करून घ्यावे.

पॅनमध्ये तेल घाला. त्यात मॅरीनेट केलेले चिकण घालावे. चांगले मिक्स करून पाच ते सात मिनिटं होऊ द्यावे. नंतर त्यात बारीक केलेले वाटण घालावे. बेसन घालावे. नंतर त्यात तिखट (तिखट आपण मॅरीनेट करताना घातले. त्यामुळे तिखट जरा आपल्या आवडीनुसार बेतानेच घालावे.) हळद, धने पावडर जीरे पावडर चिकन मसाला घालावा. चांगले मिक्स करून घ्यावे. तेल सुटेपर्यंत चांगले परतून घेतल्यानंतर पाच ते सात मिनिटे झाकण ठेवून परत चिकन चांगले शिजू द्यावे.

नंतर यामध्ये दोन कप गरम केलेले पाणी घालावे. परत थोडासा गरम मसाला, कसुरी मेथी घालावी. आवश्यकतेनुसार मीठ घालावे व चिकन चांगले मऊ शिजवून घ्यावे. वरून कोथिंबीर घालून गॅस बंद करावा.

तयार चिकन करी भातासोबत, पोळी सोबत, भाकरी सोबत सर्व्ह करावी... 💃 💕