पिकलेले टोमॅटो आणि आलं मिक्सरमध्ये वाटून घ्यावे... कच्चा टोमॅटो पैकी दोन टोमॅटो बारीक चिरून व एका टोमॅटोच्या लांब चीरा कराव्यात... लसूण बारीक चिरून घ्यावा... भांड्यामध्ये तेल गरम करून त्यात लसुण करपे पर्यंत परतून घ्यावा... मग त्यात कढीपत्ता आणि हिरवी मिरची घालून परतावे... कांदा घालून सॉफ्ट होई पर्यंत परता... मग सर्व मसाले आणि मीठ घालून परता...

वरील मिश्रणात वाटलेले टोमॅटो घालून तीन ते चार मिनिटे परता... मग बारीक चिरलेलं कच्चा टोमॅटो आणि कांद्याची पात घालून तेल सुटेपर्यंत शिजवा... गावरान टोमॅटो शिजल्यानंतर ही लगदा होत नाहीत... त्याचं एक छान टेक्स्चर टोमॅटो राईसला येतं... मग त्यात टोमॅटो केचप, साखर आणि लांब चिरलेला कच्चा टोमॅटो घाला... हे टोमॅटो जास्त शिजवायच नाही... थोडा कच्चेपणा ठेवावा...

सर्व व्यवस्थित मिसळल्यानंतर त्यात शिजवलेला भात सुटा करून घालावा... भात व्यवस्थित मिसळून झाकण ठेवून एक वाफ काढावी...