फ्लॉवर, बटाटे धुवून त्याचे मोठे तुकडे करून त्यात थोडे पाणी आणि मीठ घालून शिजवून घ्यावे. कांदा बारीक चिरून घ्यावा आणि मिक्सर मधून टोमॅटोची प्युरी करून घ्यावी. तोपर्यंत भाज्याही शिजतात.

कढईत तेल आणि बटर घालून त्यात बारीक चिरलेला कांदा घालून परतून त्यावर तिखट पूड, हळद, थोडा पावभजी मसाला आणि मीठ घालून परतावे मग त्यात बारीक चिरलेली सिमला मिरची घालून परतावे.

परतलेल्या कांद्याच्या मिश्रणावर टोमॅटो प्युरी घालून छान तेल सुटेपर्यंत परतावे मग त्यात उकडलेला फ्लावर आणि बटाट्याची स्मॅशर ने पेस्ट करून ती कांद्यावर घालावी.

भाजीला चांगली उकळी आली की मग त्यात पुन्हा थोडा पावभाजी मसाला आणि बटर घालून मिक्स करावे.