சாதத்தை 1 ஸ்பூன் ந.எண்ணெய் சேர்த்து உதிரியாக வடித்துக் கொள்ளவும்.புளியை கெட்டியாக கரைத்து வடிகட்டிக் கொள்ளவும்.

அடுப்பை மீடியத்தில் வைத்து வெறும் கடாயில் தனியா, கடுகு, க.பருப்பு, உ.பருப்பு, எள்,மிளகாய், வெந்தயம்,மிளகு, ஆகியவற்றை கருகாமல் நன்கு வறுத்து தட்டில் ஆற விடவும்.

ஆறினதும் மிக்ஸி ஜாரில் போட்டு சற்று கொரகொரப்பாக பொடித்துக் கொள்ளவும்.

அடுப்பை சிறு தீயில் வைத்து கடாயில், 5 டேபிள் ஸ்பூன் ந.எண்ணெய் காய்ந்ததும்,வேர்க்கடலையை போட்டு வறுத்ததும், க.பருப்பு, உ.பருப்பு போடவும்.

பருப்புகள் சிவந்ததும்,வெந்தயம் போட்டு சிவந்ததும்,கீறின ப.மிளகாய், சி.மிளகாய், உப்பு போடவும்.

பிறகு ம.தூள், கருவேப்பிலை பொரிந்ததும்,புளிக்கரைசலை ஊற்றி கொதிக்க விடவும்.

பிறகு அடுப்பை சிறு தீயில் வைத்து வறுத்த பொடி, 3டேபிள் ஸ்பூன், பெருங்காயத் தூள் போட்டு, எண்ணெய் மேலே வர கொதிக்க விடவும்.

கொதித்து கெட்டியானதும், அடுப்பை நிறுத்தி விட்டு, வடித்த சாதத்தை போட்டு நன்கு கிளறி இறக்கவும்.