#रानभाज्या
रानभाज्यांना रानभाज्या अस बोलण्याऐवजी वनौषधी म्हटले पाहिजे. प्रत्येक रानभाजीचे काहीना काही औषधी गुणधर्म असतात. मुळात पूर्वीच्या काळी रानभाज्यांचा औषधे म्हणूनच उपयोग होत होता. कालांतराने याचे घरगुती जेवणामध्ये रानभाज्या म्हणून वापर सुरू झाला. तर अशीच एक रानभाजी आज आपण करणार आहोत तीच नाव आहे टाकळा. टाकळ्याची भाजी त्वचारोग, वातावर खूप उपयोगी. ही भाजी मेथीच्या भाजीसारखीच असते. त्याची कोवळ्या पानांचीच भाजी बनवता येते. जून झाली की वापरत नाहीत. या भाजीच्या कोथिंबीर वड्यासारखी वडीही छान होते.