प्रथम 2 मेजरिंग कप मैदा, चाळून घेतला, मग त्यात 2 चमचे तूप घालून ते सर्व पिठाला लावून घेतले. आणि मग थोडे मीठ आणि पाणी घालून पीठ चांगले मळून घेतले. आणि रुमालात गुंडाळून ठेवले.

मग एका किसलेले नारळाचे ओले खोबरे,1/4 किलो गूळ,4 चमचे साखर, 1/2 चमचा वेलची पावडर हे सर्व साहित्य एकत्र करून घेतले. आणि 1/2तास झाकून ठेवले.

मग तयार पिठाचे गोळे करून घेतले. आणि त्याच्या छोट्या छोट्या पोळ्या लाटून घेतल्या. नंतर त्यात गूळ
खोबऱ्याचे सारण भरून करंज्या बनवून घेतल्या.

नंतर एका कढईत तेल घालून ते चांगले गरम झाल्यावर त्यात करंज्या चांगल्या सोनेरी रंगावर तळून घेतल्या.

आणि आता नारळी पौर्णिमेसाठी नैवेद्यासाठी तयार आहेत आपल्या ओल्या नारळाचा करंज्या. या करंज्या 4 ते 5 दिवस अगदी छान राहतात. आणि चवीला सुद्धा खूप सुंदर लागतात.