એક ગોયણા જેટલો લોટ લઈ તેમાં જોયતાં પ્રમાણ માં ધીરે ધીરે પાણી રાખી સોફ્ટ લોટ બાંધી બરાબર મસડવો.

અટામણ માટે બાજરી નો લોટ લઈ. આડણી ઉપર ધીમે ધીમે પોલા હાથે થાબડીને રોટલો વણવો.

હવે ધીમા તાપે તાવડીને ગરમ કરવા મૂકવી માટી ની તાવડીને પાણીના છાંટા નાખવા.પાણી તુરંત ઉડી જાય એટલે રોટલો શેકવા મૂકવો. એક તરફ સાધારણ રોટલો શેકાય એટલે બીજી તરફ ફેરવી લો.

બીજી તરફ ફેરવ્યા પછી પાણી વાળો હાથ કરી રોટલાની ઉપર પાણી ના છાંટા મારવા કે થોડું રોટલા ઉપર લગાવવું એટલે રોટલો થોડો થોડો નીચેથી ફૂલવા લાગશે.ફૂલે એટલે થોડું થોડુ હાથ થી દબાવી આખો ફુલવવો.

હવે ગેસને ફાસ્ટ કરી તાવડી હટાવી ચેપિયા ની મદદ થી રોટલા ની પહેલી સાઇડ ને ગેસ ઉપર રાખી રોટલી ની જેમ ફૂલાવવો.