सर्वप्रथम बटाटे 5 शिट्ट्या देऊन कुकरमध्ये उकडून घ्यावे. त्यानंतर बाकीचे साहित्याची तयारी करावी. बटाटे उकडून गार झाल्यावर त्याच्या छोट्या छोट्या फोडी कराव्या.

आता गॅसवर कढई ठेवावी आणि त्यामध्ये तेल घालून ते गरम करून घ्यावे. आता तेलामध्ये मोहरी- जीरे ची फोडणी द्यावी. त्यानंतर कढीपत्ता मिरची घालावी. आता हिंग, हळद घालून थोडे परतावून घावे आणि लगेचच बटाट्याच्या फोडी घालाव्यात आणि चांगले परतून घ्यावे.

त्यानंतर मीठ, साखर आणि लिंबू मिळून घालावे आणि थोडे परतून घ्यावे. आता आपली बटाट्याची भाजी तयार झाली त्यावर तुम्ही कोथिंबीर घालावी.