थंड झाल्यावर त्याची साले काढून गर काढून घेतला आणि चाळणीने चाळून घेतला. (चाळणीने चाळून घेतल्याने बिया बाहेर निघून जातात).

आता कढईत बटर गरम करून त्यात अद्रक लसुण पेस्ट, जीरे पूड, मिरी पुड घालून परतून घेतले. त्यात टोमॅटो चा गर, साखर आणि आवश्यकतेनुसार मीठ आणि पाणी घालून 1 उकळी येऊ दिली. आता त्यात कॉर्नफ्लॉवर पाण्यात भिजवून थोडे थोडे टाकून मिक्स करून घेतले. आणि 2 उकळ्या फुटू दिल्या. आपले टोमॅटो सूप तयार आहे.