தேவையான பொருட்களின் தயாராக எடுத்து வைத்துக் கொள்ளவும். நரி பயிரை இரண்டு அல்லது மூன்று முறை கழுவி சுத்தம் செய்துவிட்டு மாலையில் செய்வதென்றால் காலையிலேயே கூட ஊற வைத்துக் கொள்ளலாம். அல்லது காலையில் செய்வதென்றால் இரவில் ஊற வைத்துக் கொள்ளலாம். குறைந்தபட்சம் 3 மணி நேரம் ஊற வைத்துக் கொள்ளவும். ஊ றிய நரி பயிரை தேவையான அளவு தண்ணீர், உப்பு சேர்த்து ஐந்திலிருந்து ஆறு சவுண்ட் வரை வேக விடவும். ஐந்து சவுண்ட் போதுமானது. வெந்த பயரை வடித்து மேலே ஒரு ஸ்பூன் எண்ணெய் விட்டு விடவும்.

(பயிறு வேகும்போது குலைந்து விட்டால் கவலைப்பட வேண்டாம் அதில் ஒரு டம்ளர் பச்சை தண்ணீர் ஊற்றி வடித்து விட்டு மேலே சிறிது தூள் உப்பு மற்றும் கொஞ்சம் ஆயில் சேர்க்க) இதற்கிடையில் தேங்காய் துருவல் பெருங்காயத்தூள் பச்சை மிளகாய் கறிவேப்பிலை கொத்தமல்லி இவை நான்கையும் மிக்ஸியில் சேர்த்து தண்ணீர் விடாமல் கரகரப்பாக அரைத்துக் கொள்ளவும். ஒரு வாணலியில் எண்ணெய் சேர்த்து சூடு செய்து கடுகு உளுத்தம் பருப்பை சேர்த்து பொரிய விடவும்.

வேக வைத்த நரி பயிரில் அரைத்த தேங்காய் விழுதை சேர்த்து தாளித்த கடாயில் கொட்டி மெதுவாக கிளறி விடவும். சுண்டல் நன்கு சூடு ஆன பிறகு அடுப்பை நிறுத்தி விடவும். மிகவும் எளிமையான மாலை நேர உணவு உடல் ஆரோக்கியத்திற்கு மிகவும் நல்லது.

நரிப்பயறு என்று கடைகளில் கேட்டால் கிடைக்கும்.