सुरुवातीला एका बाउल मध्ये काजू, बदाम, चेरी, काळ्या मनुका, किसमिस घ्यावे.

त्यामध्येच खरबूज बिया, जर्दाळू चे काप टाकून ते मिक्स करून घ्यावे. आता त्यात संत्र्याचा रस घालून पुन्हा एकदा चांगले मिक्स करावे. आणि झाकण ठेवून, 3-4 तास बाजूला ठेवावे. म्हणजे सर्व छान भिजून जातात संत्र्याच्या रसात.

आता सर्व कोरड्या सामग्री कडे वळू. त्या आधी, आपण कुकर प्रि हिट करण्याकरता गॅसवर ठेवून, त्याची रिंग आणि शिट्टी काढून घ्यावी. त्याचप्रमाणे के क मोल्डला आतून तेल लावून त्यावर मैदा भुरभुर ून घ्यावा म्हणजे के क त्यामध्ये तयार करता येईल. आता एका बाऊलमध्ये चाळणी ठेवून त्यात मैदा,कोको पावडर, सुंठ, दालचिनी पूड जायफळ पुड टाकून चाळून घ्यावे.

नंतर त्यात ब्राऊन शुगर आणि मीठ टाकून मिक्स करून घ्यावे. त्याचप्रमाणे टूटीफ्रूटी सुद्धा टाकून घ्यावी. आता त्यात तेल टाकावे.

इसेन्स टाकून पुन्हा एकदा चांगले मिक्स करून घ्यावे. आता हे सर्व कोरडे मिश्रण संत्राच्या रसामध्ये भिजवलेल्या मिश्रणात टाकावे.

दूध टाकून चांगले मिक्स करून घ्यावे. त्याची रिबन कन्सिस्टन्सी असावी. नंतर त्यात बेकिंग सोडा आणि बेकिंग पावडर टाकावे. ऍक्टिव्हेट होण्याकरता वरून थोडेसे दूध टाकावे.

आता हे तयार मिश्रण एकाच डायरेक्शनने हलक्या हाताने फेटून घ्यावे. केकच्या मोल्डमध्ये केकचे तयार मिश्रण ओतावे. आणि थोडेसे टॅप करून घ्यावे.

वरून आपल्या आवडीनुसार काजू बदामाच्या कापाणे सजवून घ्यावे.

आता हे केक मोल्ड प्री हिट केल्या गेलेल्या कुकरमध्ये ठेवावा. वरून झाकण लावावे.आणि 35 ते 40 मिनिट कमी ते मध्यम आचेवर बेक करावे.

तीस मिनिटांनी एकदा टूथ पीक टाकून केक झाल्याची खात्री करून घ्यावी. टूथपिक कोरडी निघाली तर के क झाली असे समजावे. अन्यथा पुन्हा चार-पाच मिनिट शिजवावे. त्यानंतर गॅस बंद करून केकचा मोल्ड बाहेर काढून थंड करावा थंड झाल्यावर कडेने चाकूने, केक मोकळा करून तो प्लेट मध्ये उलटून घ्यावा.

नंतर तो सरळ करावा आपला चविष्ट बिना अंड्याचा केक तयार आहे. छान स्पंज येतो त्याला.