तांदूळ स्वच्छ धुऊन घ्यावा. फोडणीसाठी कांदा व टोमॅटो चिरून घ्यावा. बटाट्याच्या फोडी करून घ्याव्यात. आले, मिरची, लसूण व गरम मसाला पावडर एकत्रित पेस्ट करून घ्यावी.

गॅसवर पातेल्यात तेल गरम करून तमालपत्र, मिरच्याची फोडणी करावी. त्यावर कांदा, टोमॅटो परतन मऊ झाला की, पावटा, बटाटे परतावेत, दही, हळद, तिखट, चवीनुसार मीठ घालून परतावे व झाकण झाकून एक वाफ आणावी.

त्यानंतर तांदूळ घालून परतावेत, लिंबूचा रस घालावा, व तांदळाच्या अडीच पट गरम पाणी घालून भात शिजू द्यावा.

भाताबरोबर पाणी आले की, पातेल्यावर झाकण झाकावे. दहा मिनिटांनी भात, पावटा शिजल्याची खात्री करून, गॅस बंद करावा

गरमागरम "पावटे मसाले भातावर" साजूक तूप घालून, पापड, लोणचे, बरोबर सर्व्ह करावा.