गॅसवर पॅनमध्ये तेल योग्य तापमानावर गरम होऊ द्यावे. त्यानंतर त्यात जिरं, मोहरी ची फोडणी करावी. जीरे - मोहरी तडतडली की, त्यात कढीपत्ता, ठेचलेला लसूण, लाल तिखट घालावे.

बेसन पीठात हळद, ठेचा, चवीनुसार मीठ व वाटीभर पाणी घालून छान मिक्स करून घ्यावे. जेणेकरून बेसनच्या गुठळ्या होणार नाहीत. बेसनचे हे तयार मिश्रण पॅनमध्ये फोडणीला घालावे.

बेसन मिश्रण फोडणीला घातल्यावर घट्ट होईपर्यंत सतत ढवळत रहावे म्हणजे गाठी होणार नाही. बेसन व्यवस्थित मिक्स झाल्यावर झाकण झाकावे व वाफ आणावी.5-7 मिनिटांनी झाकण उघडून तयार झालेला झुणका कोथिंबीर पेरून व्यवस्थित मिक्स करावा.

तयार गरमागरम "गावरान झुणका" गरमागरम भाकरी व पातीच्या कांद्याबरोबर सर्व्ह करा. 🥰