સૌપ્રથમ રવા ને ચાળી લેવું. હવે એક બાઉલમાં રવો લઈ તેમાં દહીં ઉમેરી મિક્સ કરવું. હવે તેમાં મરચાં ની પેસ્ટ, આદુ ની પેસ્ટ, ખાંડ,તેલ અને મીઠું જરૂર મુજબ પાણી ઉમેરી ખીરું તૈયાર કરવું.

ત્યારબાદ તૈયાર કરેલા ખીરા ને ઢાંકી ને દસ મિનિટ રેસ્ટ આપવું. હવે સ્ટીમર માં પાણી ગરમ કરવા મુકવું. ખીરામા ઈનો ઉમેરી ફરી જરૂર મુજબ પાણી ઉમેરી મિક્સ કરી ગીસ કરેલી થાળી માં ખીરું ઉમેરી થાળી ને દસ થી બાર મિનિટ માટે સ્ટીમ કરવા મુકવું.

ત્યારબાદ ઢોકળા થઈ જાય એટલે થાળી ને સ્ટીમર માં થી કાઢી લેવું.હવે ઉપર લાલ મરચું પાઉડર અને મરી પાઉડર ભભરાવવુ.

હવે વઘારીયા માં તેલ મુકી એમાં લાંબા સમારેલા લીલા મરચાં, મીઠા લીમડાનાં પાન અને રાઈ ઉમેરી ઉપર વઘાર કરી કોથમીર નાંખી કાપા પાડી તેના નાના નાના પીસ કરી ડીશમાં કાઢી ગરમાગરમ રવા ઢોકળા ને સર્વ કરવું.