દાળ અને ચોખાને ૪-૫ વાર પાણીથી ધોઈને પછી પાણીમાં ૭-૮ કલાક પલાળી રાખવા. પછી તેમાં થોડું થોડું પાણી ઉમેરી મીક્ષરમાં ક્રશ કરી લેવા. (ખીરું થોડું ઘટ્ટ રાખવું.)

વાડકામાં ખીરુંને ચમચીની મદદથી એકતરફ સતત ૩-૪ મીનીટ ફેટવું.(જેથી ખીરું ફ્લપી થઈ જશે) હવે તેમાં મીઠું તથા હિંગ ઉમેરી મીક્ષ કરી લેવું.

ગેસ મીડીયમ આંચ પર ચાલુ કરી, તેના પર તાવડીમાં તેલ લઈ ગરમ કરવું. તેલ ગરમ થઈ જાય એટલે તેમાં હાથથી વડા મુક્તા જવા. ગુલાબી બ્રાઉન થાય ત્યાં સુધી તળવા.

એક મોટા બાઉલમાં સાદું પાણી લેવું. તળેલા વડા સીધા તેમાં નાખવા. ૫-૧૦ મીનીટ તેમાં પલળવા દેવા.

હવે એક એક વડાને લઈ, બે હથેળી વચ્ચે હળવેથી દબાવી પાણી કાઢી લેવું અને એક મોટી ડીશમાં મુક્તા જવા. આ રીતે બધા વડા કરી લેવા.

હવે એક વાડકામાં દહીં, ખાંડ અને મીઠું લઈ તેને સરસ રીતે વલોવી લેવું. સાથે ગળી તથા તીખી ચટણી, જીરૂ, લાલ મરચું તથા ચાટ મસાલો રાખવો. હવે એક પ્લેટમાં વડા લઈ, તેના પર દહીં તથા સ્વાદ મુજબ ચટણીઓ લેવી. અને પછી સ્વાદ મુજબ કોરા મસાલા ભભરાવી સર્વ કરવું.

આપણા એકદમ સોફ્ટ, યમ્મી દહીંવડા તૈયાર છે.😋😋😋🥰