सर्वप्रथम एका भांड्यात गव्हाची कणीक घ्या व त्यात चवीप्रमाणे मीठ घाला.

नंतर त्यात एक चमचा मोहनासाठी तेल घाला व कणिक छान चोळून घ्या.

आता एका कढईत २ चमचे साजूक तूप घालून घ्या व त्यात १ वाटी रवा घालून मंद आचेवरती ५ ते ७ मिनिटे खरपूस असा भाजून घ्या.

रवा खरपूस भाजून झाला की त्यात २ वाट्या आंब्याचा गर घाला व छान एकत्र करा व एक वाफ येऊ द्या.

नंतर त्यात १ वाटी साखर घाला व एकत्र करा. साखर घातल्यानंतर आपलं सारण थोडं सैलसर होईल कारण साखर विरघळते म्हणून आपलं सारण थोडं पातळ होते. नंतर त्यावर झाकण ठेवून एक वाफ येऊ द्या.

आता त्यात वेलची पूड घाला व आणखी १ चमचा तूप घालून घट्ट होईपर्यंत सतत परतत रहा सारण घट्ट झालं की गॅस बंद करून सारण थंड होऊ द्या.

सारण थंड झालं की त्याचे छोटे छोटे गोळे बनवून घ्या. आणि आता आपली भिजवलेली कणिक घ्या.

कणकेचा छोटा गोळा घेऊन त्याची लाटी घुळवून घ्या आणि वाटी सारखा आकार तयार करा.

आता त्याला कणिक लावून पोळपाटावर थोडं कडे कडेने दाबून घ्या व पोळी लाटा.

पोळी लाटून झाल्यावर गरम तव्यावर टाका. गॅस मंद ठेवा व साजूक तूप लावून शेकून घ्या. पोळीला जास्त उलट पालट करू नका कारण ती खूप नाजूक असते.

पोळी छान शिकून झाली की तिला तूप लावून सर्व्ह करा.

टीप -
* आंब्याच्या पुरणपोळी मध्ये तुम्ही साखरे ऐवजी गुळ सुद्धा घालू शकता.
* आवडत असल्यास जायफळ सुद्धा आपण घालू शकतो.
* पोळी लाटताना शक्यतो कमी कणीक लावावी.