بديل ورق الزبدة

في حالة عدم توافر ورق الزبدة عندك في البيت لأي سبب من الاسباب استخدمي ورق عادي نظيف ،، ادهنيه بالزيت وحطيه في البايركس اللي راح تسوين فيه الكيكة او المعجنات وبعدها حطي عليه الخلطة المطلوبة ودخليه الفرن.. سويت الطريقة وفعلاً مضمونة ١٠٠ ٪؜ (الوصفة موجودة في حسابات كثيرة في اليوتيوب)

هل خطوة نخل الدقيق عند صنع الكيك مهمة ؟؟؟

عن هذا السؤال اجابت الشيف منال العالم حين قالت : هذا السؤال يعتبر السر الاهم في صناعة الكيك والحصول على كيك لذيذ ، هش ، خفيف ومتماسك..

لنجاح الكيك

المقادير لازم تكون خارج الثلاجة مدة نص ساعة حتى تاخذ جو الغرفة / - خلط المقادير يكون من ٣ الى ٨ دقايق حتى تمتزج كل المقادير جيداً /- صحن الفرن ندهنه بالزبدة وبعدين بالدقيق ونتخلص من الدقيق الزايد بالضرب حتى ما يتكتل /- نحط الكيكة بنص الفرن مو تحت ولا فوق.

لمنع التصاق الكيك في القالب

لمنع التصاق الكيك في القالب مع اضافة طعم لذيذ لقاع الكيكة استخدمي زيت مع بودرة كاكاو وامسحي قاع البايركس قبل صب خليط الكيك فيه ،، واستمتعي بالطعم