સો પ્રથમ બેટર બનાવવા માટે મગની દાળ ને પાણીથી ધોઈ 4 થી 5 કલાક પલાળી રાખો. ત્યાર બાદ દાળ માંથી પાણી કાઢી મિક્સર જારમાં ઉમેરી તેમાં સમારેલા લીલાં મરચાં અને આદુ નાખી પીસી લો. હવે તેમાં લાલ મરચું પાઉડર, હળદર પાઉડર અને મીઠું નાખી ફરીથી પીસી લો. અને બટર ને એક બાઉલમાં કાઢી લો.

હવે ખમણ ના બેટર ને 2 મિનિટ માટે ફેટવી લો.પછી મોલ્ડ ને તેલ થી ગ્રીસ કરી લો. હવે ખમણ ના બેટર માં ઇનો અથવા ખાવાનો સોડા નાખી મિક્સ કરી કપ કેક ના મોલ્ડ ભરી ઉપરથી લાલ મરચું ભભરાવી સ્ટીમ ના કુકર માં 7 થી 10 મિનિટ માટે સ્ટિમ કરી લો. ત્યાર પછી ગેસ બંધ કરી 2 મિનિટ પછી કપ કેક ને ચાકુ ની મદદથી કાઢી લો.

ખમણ તૈયાર છે હવે આપણે ખમણ ને વધાર કરશું. તેના માટે એક નાની કડાઈ માં તેલ નાખી તેલ ગરમ થાય પછી તેમાં રાઈ અને તલ નાખી પછી તેમાં સમારેલા લીલાં મરચાં નાખી કપ કેક ની ઉપર વધાર કરી લો.

વાટી દાળ ખમણ તૈયાર છે. ગરમા ગરમ ટોમેટો કેચઅપ અને ચટણી સાથે સર્વ કરો.