સૌપ્રથમ પાલકની ભાજીને સાફ કરી સમારી ધોઈને ઉકળતા પાણીમાં ચપટી ખાંડ અને મીઠું ઉમેરી ચાર થી પાંચ મિનિટ માટે બ્લાન્ચ કરી, તેને બરફના પાણીમાં ઉમેરી દો. પછી તેની ચારણીમાં નિતારી દો પાણી નીતરી જાય એટલે મિક્સર જારમાં તેની પેસ્ટ તૈયાર કરી લો.

એક કડાઈમાં 1 ચમચીતેલ મૂકી તેમાં બધા જ ખાડા મસાલા અને છીણેલી દૂધી ઉમેરી ચાર થી પાંચ મિનિટ માટે ધીમા તાપે સાંતળો પછી તેમાં ટામેટા ઉમેરી ટામેટા નરમ થાય ત્યાં સુધી તેને સાંતળો. કાજુ, મગજતરી નાં બી અને ઈલાયચીને 1/2 કલાક માટે પલાળી રાખવા.

હવે આ બધી સામગ્રીને મિક્સર જારમાં લઈને તેની સ્મુધ પેસ્ટ તૈયાર કરી લો.

હવે એક કડાઈમાં ઘીનો વઘાર મૂકી તેમાં જીરું હિંગ સૂંઠ પાઉડર લીલા મરચા કેપ્સીકમ ઉમેરી બે થી ત્રણ મિનિટ માટે સાંતળો પછી તેમાં પ્યાર કરેલી પેસ્ટ ઉમેરીને ઘી છૂટું પડે ત્યાં સુધી સાંતળો. હવે ગરમ મસાલો, મલાઈ, મીઠું ઉમેરી બરાબર મિક્સ કરો.

હવે તેમાં વચ્ચેથી ગર કાઢીને સમારેલા ટામેટા અને કસૂરી મેથી ઉમેરી ત્રણ થી ચાર મિનિટ માટે કુક કરી પછી પાલકની પ્યુરી ઉમેરી, બધુ બરાબર સરસ મિક્સ કરી છેલ્લે તેમાં ઝીણી સમારેલી કોથમીર અને 3 થી 4 ટીપા લીંબુનો રસ ઉમેરી દો.

તૈયાર સબ્જીને સર્વિંગ ડીશમાં લઈ આજુબાજુ ટામેટાની સ્લાઈસ થી ગાર્નીશ કરો.

તૈયાર છે તો આપણી રેસ્ટોરન્ટ સ્ટાઈલ પાલક ટોમેટો સબ્જી સર્વ કરવા માટે જેને મેં અહીં સર્વ કરેલ છે.