એક કડાઈમાં તેલ અને બટર મિક્સ લઈ તેમાં કાજુ તળીને કાઢી લો. પછી તેમાં જીરું લીલા મરચાં અને કેપ્સીકમ ઉમેરી બે મિનિટ માટે સાંતળો. હવે તેમાં બાકીના પુરા મસાલા અને કોથમીર ઉમેરી એક મિનિટ માટે સાંતળો.

હવે તેમાં રાંધેલો ભાત ઉમેરી હળવા હાથે મિક્સ કરી લો અને છેલ્લે તેમાં તળેલા કાજુ ઉમેરી ભેળવી દો.

ચપટી ખાંડ અને મીઠું નાખી શાકભાજી બ્લાંચ કરી લો. ટામેટાને ધોઈ કોરા કરી ઉપર તેલ લગાવી શેકી લો અને પછી તેની છાલ કાઢી તેને ક્રશ કરી તેની પ્યુરી તૈયાર કરી લો.

એક કડાઈમાં તેલ ઘીનો વઘાર મૂકી તેમાં તૈયાર કરેલ પ્યુરી ઉમેરી સાંતળો પછી તેમાં એક ચીઝ ક્યુબ ના ઝીણા ટુકડા તથા બધા પેપર ઉમેરી ત્રણ થી ચાર મિનિટ સાંતળી બ્લાંચ કરેલા શાકભાજી ઉમેરો.

હવે એક મટકીમાં તૈયાર કરેલ ગરમાગરમ સબ્જી 1/3 માં ભરી લો. 3/4 ભાગમાં ગરમાગરમ બિરયાની ભરી લો.

મટકીમાં છેક ઉપર સુધી બિરયાની ભરી ઉપરથી છીણેલું ચીઝ ભભરાવો ઉપર ચપટી ચાટ મસાલો ભભરાવો અને ઝીણી સમારેલી કોથમીર તથા તળેલા કાજુ ભભરાવો. ગરમા ગરમ મટકા બિરયાની ને મેં સર્વ કરેલ છે.