نبدأ بسم الله ونقطع نصف صدر دجاج الى مربعات ثم نقطغ كل من البطاطا الى مربعات والباذنجان كذلك ونحط الباذنجان في كسرونة فيها ماء وم ك خل ونخليه لوقت نحب نقليه

نجيب مقلاة نحط فيها ما ك زيت ونحطها على النار ثم نحط الدجاج تاعي نقليه شويا ثم نحط عليه الملح والتوابل وم ص موطارد (خردل) ونقليه مليح

نجيب مقلاة ثانية فيها كمية مليحة من الزيت ونقلي البطاطا أولا ثم نصفي الباذنجان ونخليه يقطر مليح ثم نقليه بعد ذلك نجيب صحن واسع نحط فيه البطاطا والباذنجان بعد ماقليتهم ثم نجيب مول زجاجي ندهنو مليح

بعد ماقليت اللحم مليح نمرق بكمية من الماء ونخليه ينشف ثم نضيفو مباشرة والباذنجان والبطاطا ثم نحط كمية مليحة من جبن مبشور واكريمة سائلة

نخلط الكل مليح فالصحن ثم نحط عليه 2حبات بيض ونخلط ثم نفرغ الخليط مباشرة في المول الزجاجي

نشعل الفرن يسخن وندخل ينشف من تحت ثم نشعل عليه ونصفلو كمية من الجبن مبشور ونخليه يتحمر مليح ثم نخرجو ونقلبو مباشرة في صحن التقديم

فالاخير نحط الڨراتان في صحن التقديم ونزينو باوراق من سلطة خضراء ونقدمو مع كسرة جاء بزاف بنين وخفيف