نبدا بسم الله ونجيب نصف صدر دجاج ونقطعو قطع ثم نرحيه فالاشوار

نجيب طنجرة نحط فيها قطعة دجاج ونضيف عليها بصل مرحي مع سنات ثوم مرحيين ونحط ملح وفلفل اسود وزنجبيل وتابل دجاج وم ك زيت ونحطها عالنار تتقلى مليح ثم نمرق بالقليل من الماء

ثم نجيب كمية من الزيتون الاخضر نضيفلو للمرق ونقلي مليح ونمرق بالماء

بعد ذلك نجيب مقلاة نحط فيها م ك زيت ونحطها عالنار ونضيف بقية البصل ونقليه مليح ثم نضيف كمية صدر الدجاج المرحي ونحط ملح ونفس توابل المرق ونخلط مليح فالمقلاة ونضيف القليل من الماء حتى يتحل معي الدجاج مليح

بعد ماطاب الدجاج مليح نحطو في صحن ونضيفلو 2م كبار مليح من الجبن الطري ونعجنو مليح مع اللحم ثم نضيف 3حبات بيض ونخلط

نخلط مليح البيض مع اللحم مليح ثم نجيب المول 10/35سم ثم ندهنو بالزبدة ونفرغ اللحم فيه ونضيفلو معدنوس مقطع ونسويه مليح ثم ندخلو الفرن يطيب من تحت حتى ينشف من تحت ويطيب ثم نشعلو من فوق ندهنو بكيمة من الجبن الطري من فوق ونخليه حتى يتحمر مليح ثم نخرجو من الفرن ونخليه يبرد تماما

بعد ما بردلي تماما نقطعو الى مستطيلات ونحطو في صحن التقديم ونضيفلو مرق الزيتون وقطعة الدجاج لي كنت حمرتها فالفرن

فالاخير شكل طبق تاعي بعد مازينتو لمعدنوس مقطع وشريحة ليمون 🍋 وجاء الطبق تاعي بزاف بنين وخفيف