هنجيب الخلاط ونحط فيه نصف كوب اللبن والسكر والزيت والكاكاو. ونضربهم في الخلاط.

نفرغ نصف الكميه في طبق للتزيين.

هنحط في الخلاط على باقي الكميه التانيه البيض والفانيليا ونضرب ثلاث دقائق.

ونحطهم في طبق واسع وفوقهم الدقيق والبيكنح بودرة ونقلبهم.

هنجيب المجات وندهنها زيت. ونفرغ لحد النصف, لأنها هترفع.

نجيب حله ونحط فيها مياه مغليه تصل لحد ربع المج ونحط المجات. ونغطيها كويس لمنع تسريب البخار. والاحسن نحط فوطه قبل الغطا وبعدين الغطا. ونرفع باقي الفوطه علشان النار.

نصف ساعة على النار على نار هاديه جداً. طلعيها من المج وزينيها بباقي الكميه. وبالهنا والشفا.