كي ينضج اللحم وتبقالو مدة قصيرة نضع الخضروات انا درت كوسة وجزر ولادي يحبوهم ونضع الطماطم المصبرة ونخلي لاصوص تخثار شوي باه تجي بنينة ونكون وضعت الحمص في نصف نضج اللحم باه يطيب (يستوي)مليح أو نقدر نحطو في طنجرة وحدو وكي ينضج كل شي ونكون فورت الشخشوخة من خطرتين إلى ثلاث مرات ونبخها في كل مرة بالقليل من الماء وفي الاخير نديرلها الزبدة

في إناء تع التجار أضع الشخشوخة والمرق بالكمية القليلة ونشوف ونجرها مليح حتى تتشرب كل المرق ومتتعجنش وتولي طرية وندير لها شوي زبدة في الاخير ونحطها في الصحن وفوقها اللحمة خضر وحمص وبصحة وعافية