في طنجرة نضع اطراف دجاج مع حبة بصل مقطعة رقيقة, ملح,فلفل اسود, قرفة و 3 م ك زيت و م ك سمن نقليلها على نار قليلة حتى يذبال البصل ثم نمرق و نضيف الحمص.

نغلي بطاطا في ماء فيه كركم كي تطيب نقطروها مليح و نرحوها بالشوكة نزيدولها ملح ;فلفل اسود;معدنوس مقطع رقيق و صفار بيضة نخلطهم و نحطوها فالمجمد.

في اناء نضع اللحم ;ملح;فلفل اسود نشكلوهم كويرات صغار وقليوهم. ناخذ البطاطا ونحكم كمية نحلها على كف اليد و نحطو كرية اللحم في الوسط و نقفلو عليها مليح ; ننشكلو كل الكمية بنفس الطريقة.

نضع الكويرات في المجمد مدة 15 سا. نجبدوهم نرمدوهم في الفرينة ثم بياض البيض ثم لاشابلوغ و نقليهم. كي يطيب الجاج نحوه و نخلو الحمص طيب.

يقدم مع المرقة البيضاء.