أولا حضري المرقة بيضا حطي الدجاج مع السمن و الزيت و خلي الدجاج يتقلى شوية ثم ملحيه و ضفي البصل و قليه مليح ثم ضفي التوابل و خليه ثم ضفي الحميصة و مرقي و خليهم يطيبو

ثم حضري كريات اللحم المرحي (حطي جميع مكونات اللحم مرحي المذكورة فوق)و ديري كريات صغار كيما العظم تاع الخوخ و حطيهم يطيبو في المرق و غير يطيبو نحيهم

ثم غلي البطاطا بقشورها في ماء مملح ثم قطريها وقشريها و ارحيها و ضفيلها المكونات المذكورة معها فوق و خلطي ثم احكمي كمية و افتحيها في كفة اليد و احشيها بكرية لحم مرحي واغلقيها و رمديها في الفرينة ثم البيض ثم الخبز مرحي و شكليها على شكل خوخة و ديريلها ثقب صغير من الأعلى وين نحطو الحشيشة و ديريلها خط في الوسط بالموس باش تبان كي الخوخ و كملي الكمية و دخليها للثلاجة و كي تجي راح تقليها اجبديها و اقليها و لازم تكون معمر الزيت و اقليها و ماتقلبيهاش كامل و كي تدي اللون الذهبي نحيها

و في الاخير قدميهم مع الصلصة و الدجاج