اولا نبدأ بالعجين في قصعة نحط السميد مغربل نملحو و نشمخ بالماء حتى نتحصل على عجينة طرية نغطيها و نضعها في كيس مبلل و نتركها ترتاح مدة ساعة. مبعد نعجنها مليح مع اضافة الماء بالتدريج حتى نتحصل على عجينة طرية و ملساء نشكل كويرات بالاستعانة بالزيت نغطيهم و نخليهم يرتلحو مدة ساعة.

بعد ما يرتاحو مليح نحلهم و نضغط على الحواف مبعد نكسل مليح و نحطهم على طاوة سخونة و مدهونة بالزيت و نطيبهم كامل نخليهم صفورة و طريين.

نروحو للمرق في طنجرة الضغط نضع شوية زيت و سمن و نقلي اللحم ثم نضيفلو البصل و الطماطم و الثوم مسكرفجين نقلي مليح و نتبل بالتوابل المذكورة نضيف الحمص و طماطم المركزة و نمرق بالماء الساخن و نغلق عليها و نخليها طيب. كي يطيب اللحم نحيه جانبا و نضيف الخضر لي كنا نقيناهم و غسلناهم و قطعناهم البطاطا دوائر عريضة و الكوسا بالطول. نخليهم يطيبو مليح. فالاخير نتحصل على مرق عاقد شوية.

عند التقديم نفتت الرقاق و نضعه في صحن و نستف الخضر و الحمص من الفوق و اللحم في الوسط و نسقي بالمرق شوية و نزين بالبيض المسلوق و الحار و شهية طيبة.