نبدأ بالمرقة في كوكوت نحط شوية زيت مع البصل واللحم ونقليهم حتى يذبل البصل نزيد التوابل والملح والفطر نخليهم يتقلاو شوية نظيف الحمص ونمرق بشويه ماء سخون نغلق لاكوكوت ونخليهم يطيبو

من جهة اخرى نمعس البطاطا مع الملح والفلفل ومعدنوس والفرماج (الجبنة) نشكل اصابع نفوتهم في الفرينة ثم البيض ثم الشابلور ومباشرة نقليهم في زيت يكون سخون

بعد ما يطيبو نحطهم في ورق ماص نطفي على المرقة بعد ما تكون عقدت

التقديم نجيب زلافة صغيرة نحط فيها المرقة في الوسط ونحط اصابع البطاطا على الحواف