نفور الروز ونرجع نطبخوا مع شوي زيت وماء حتى يستوي ونقطروا في كسكاس ونحط عليه ملعقة صغيرة زيت باه مايلصقش.

في كوكوت نديروا بصلة مسكرفجة والثوم والدجاج وشوي زيت نقليهم مليح ونزيدهم دبشة والزرودية دوائر والطماطم والهريسة والفاحات الكل وكمية من الحمص ونمرق ونقفل الكوكوت نخليها تستوي لمدة 20دقيقة ونفتح عليها وننزع الزرودية والدجاج على جهة.

في بلا تاع الفور نحط الروز وناخذ قليل من الدجاج والزرودية دوائر ونقطعهم صغار ودبشة وكاشير وزيتون ونرمي عليهم قليل من لاصوص ونحركهم مليح حتى يدخلوا في بعضهم ونسوي الروز مليح و نزين من الوجه بالزرودية دوائر والدجاج مقطع والزيتون دوائر والكاشير والفرماج والبطاطا المقلية وندخلو الفرن يتجمر مليح وبعد نخرجو ا نسكرفج عليه البيض المسلوق ونقدموا بالصحة.