بسم الله اللهم صلي وسلم على نبينا محمد

نفور البطاطا. الجزر نصف تفويرة ونتركهم يبردو بجهة نقي الحوت جيدا وونشفو وننزع شوك تاعو ونديرلو عصرة ليمون هذي فكرة ام قصي الله يجازيها خير الجزاء يجي روعة🌺 في الميكسور نحط البصل والثوم والمعدنوس والهريسة والطماطم والتوابل ونميكسي الكل نتحصل على تتبيلة راااائعة ندير شوية تتبيلة للخضار تاعنا مع قطرات زيت ونسويها في المول

من جهة نزيد نضيف التتبيلة للسردين ندخلو مليح التتبيلة ونحطو فوق الخضار ونغطيه بورق الطهي وندخلو للفرن يطيب كي يطيب نحطلو شرايح ليمون ونغطيه ونتركه وقت التقديم انا قدمتو مع رخساس وسلطة جا هايل وبنين روعة نبعدو شوية على المقلي انا اصلا ما نحبش الحوت المقلي نفضلو بهذي الطريقة وشكرا لغاليتي ام قصي جزاها الله خير الجزاء