العجينة:نوضعوا الزيت في الفرينة ونبسبسوه مليح بين يدينا نزيدو باكي تاع الخميرة نحكمو اناء نحطو فيه حبة البيض نضربوها مليح مع رشة الملح وشوية ماء ونطمو بيهم الفرينة من بعد ندلكوها حوالي 5-3دقائق نخلوها ترتاح لمدة 15-10 دقيقة ونبداو في القلي.

التحضير:نشكلوا كريات صغار بزاف ونبسطوهم بالحلال ونرقوهم مليح مليح من بعد نرفدو الحبة تاعنا ونحكموها من الوسط ونوضعوها في كسرول نكونو حطينا فيها الزيت يسخن ونبقاو نحركو فيها ونلايموها باش ماتتفتحش.

بعد مايبرد الخشخاش تاعنا نعسلوا القدر لي يمكن يتاكل في اليوم هذاك ونحطولو الجلجلان من الفوق وشهية طيبة.