العجينة: نخلط كل من الحليب،الزيت،الماء،الملح،السكر،الخميرة،الزعتر،ثم نبدأ بإضافة الفرينة (طحين) حتى نتحصل على عجينة طرية،نغطيها ونتركها تختمر. بعدما تختمر، نفتحها بالحلال على طاولة مرشوشة بالفرينة، نفتحها على شكل مستطيل ونرققها شوية.

نحط الصلصة البيتزا ونمشيها على كامل الوجه ثم نضيف التونة،الزيتون بنوعيها ، البيض المسلوق،الجبن المبشور او الطري وجبن الموزاريلا ونرولي العجين حتى نتحصل على رولي ، نقطع الرولي بالخيط او الموس في مول نفرش ورق الطهي ونضع البيتزا رولي، ندهن الوجه بالبيضة والجنجلان ونخليها تختمر قليلا ثم نطيبها بالفرن على درجة حرارة 180C. لما طيب نزينها بالمايونيز ونقدمها. شهية طيبة للجميع😋😋

الحشو: في مقلاة نضع زيت الزيتون،البصل،الطماطم والطماطم المصبرة،الثوم،الملح،الفلفل الاسود،ورقة رند (غار)،اكليل،زعيترة،نطيبها مليح ومن بعد نضيف المعدنوس (بقدونس) ونطفي، نمكسي بالخلاط الصلصة ونضعها تبرد.