في الصور يوجد الكاس الذي استعملته وكذلك الملعقة

شنضع في إناء كبير الفرينة (طحين) المغربلة والزيت والشينوج والسكر والخميرة والحليب والملح ونخلطهم جيداً باليد ثم نضيف الماء الدافيء تدريجيا ونخلط حتى نحصل على عجينة جد طرية (مدردرة) ونبقى نعجن فيها (كيما اي مثل لخفاف) يعني نرفعها ثم نطلقها حتى تصبح رطبة

بعد ذلك نغطيها جيداً وندعها تختمر مدة ربع ساعة ثم نخرج منها الهواء (نكسرلها الخمور) ونزيد نغطيها للمرة الثانية ونتركها ربع ساعة اخرى

لما تمر ربع ساعة نخرج منها الهواء للمرة الثانية ونبلل اليدين بالزيت ونعمل 5 قرصات.ونكون حضرت صحن ونضع فيه الفرينة (طحين) كي نمرر في القرصات لكي لا تلتصق عند فتحها.

نعمل قرصات ونمررهم في الفرينة (طحين) ونفرش قماش نظيف خاص بالمطلوع ونرشه بالفرينة لنضع عليه القرصات

نضع القرصة في الفرينة (طحين) ونجعلها على كل سطح القرصة (الكرة)

لما نمرر كل القرصات في الفرينة (طحين) ونضعهم على القماش الخاص نعود الى اول قرصة ونخبزها

لما نكون نخبز.نقلب في كل مرة كي تفتح بسهولة.نفتح جيداً لانها عند التخمر راح تضاعف الحجم

نفتحها كلها ونغطيها ونتركها تتخمر ولما تضاعف الحجم نرش صحن كبير ونقلب فيه الواحدة لوضعها في الطاجين المسخن مسبقا.

لما تتخمر ونقلبها في الصحن او الصينية نجعلها تنزلق من الصحن في الطاجين و اذا عملت الفقاعات يجب فقعها بعود حاد cure dent بعناية دون تشويه (اذا التصق بالعجين يجب نزعه بعناية كي نحافظ على الوجه)

نقلبها ونحركها في الطاجين كي تحمر كلها مرة واحدة

ثم لما تتحمر على الجهتين (نحوشيها) يعني نحمر الحواف بين الموقد والطاجين

لما تطهيهم كامل خلهم يبردو وقطعيهم ونقدر نغلفهم بالبلاستيك الغذائي ونضعهم في اكياس ونضعهم في المجمد ونخرجهم وقت الحاجة.

ليست بلذة مطلوع السميد لكن تفي بالغرض.طرية محمرة وشهية.

سندويتش جبن هههه