في قصعة حضري الكيلات تاع السميد واضيفي الملح والسكر ولفاني وخلطيهم وديري حفرة فيها السمن الى مع لزبدة الزيت وخلطيهم وقعدي بسسيهم مليح مليح كيما اي مثل لبراج حتى يدخل السمن في السميد ومبعد لمي بالما ولا الحليب الى متوفر عندك ويكون دافي ولمي برك متعجنيهاش وغطيها وخليها تشرب شوي

وتكوني درتي الطاجين على نار قليلة يسخن تحبي طاجين لمسمن ولا تاع الطين اختياري وبعدما تكون لعجينة شربت شوفي اذا تزيديها الما ولا لا على حسب السميد نتاعك كيما اي مثل انا جاتني كيلة وشوية يعني شربلي وحليها بيدك وساعديه بصاشي باسكو يجي يتفتت في يدك وقطعيه وديريه يطيب (يستوي) على مهلو وبصحتكم حبايبي