نحط البيض مع رشه ملح وسكر يتضرب بالباتور على سرعه عاليه ،حتى نتحصل على خليط ابيض كثيف ،نضيف فانيليا وزيت ،نوقف الخفق ،نغربل فرينه مع خميره ،نضيفها على 3دفعات بالتدريح ونحرك من تحت للفوق بشكل دائري ،ونتفادى نهبط بيض.

نفرغ خليط بسكويت في الصينيه قياسها 30/25سم مفرش بورق طهي ومدهون من جوانب بالزبده وفرينه ،ندخل بسكويت في درجه حراره معتدله يطيب (يستوي) حتى تمر 30د نفتح فرن نتفقد بسكويت.

نحضر كريمه الليمون نحط في كسروله كامل مكونات من غير زبده نضيفها في اخير ،مع تحريك وضروري نصفي عصير الليمون من حبيبات بنتحصل على كريمه ملساء خاليه من حبيبات ،نحطها على غاز مع تحريك مستمر حتى نتحصل على كريمه نطفي غاز ونضيف زبده ونحرك نفرغها في صحن ونغلفها بسيلوفان.

نحضر موس الليمون ،طلع كريمه شانتيه كاس من غبره شانتيه بنصف كاس ماء بارد ،كنتحصل على كريمه نضيف لها 2ملاعق كبار من كريمه الليمون ونواصل خفق ،حتى تتماسك. نحطها في ثلاجه لحين الاستعمال.

من بعد مايبرد بسكويت ننزع من الصينيه ،ونقسم على اثنين

نحط طبقه من بسكويت ،نشربها بسيرو نحط كميه من كريمه ونحشيها بالفواكه ،ونحط فوقها طبقه ثانيه لنكون شربتها بسيرو ولكن منكثروش لان بسكويت خفيف واسفنجي ،كون نكثر راه يجينا مشمخ بزااف ومعجن ،ونكمل نزينها بكريمه ،نحط كريمه الليمون ونمشيها بالعقل.

وهنا من بعد مقسمتها وقدمتها للعايله.