نحط الدجاج او لخليع والبصلة المرابية والثوم والفلفل الحار(نرحيه مع البصلة والثوم)والطماطم المرحيةوالشحمة(يمكن الاستغناء عليها)والزيت والتوابل والطماطم مصبرة(يمكن نضيف قطعة صغيرة قنطس)نقليهم مليح ونضيف الحمص والفول والعدس(نشمخهم شوية من قبل ويمكن استعمال حمص فقط)ونضيف البطاطا والجزر ونخليهم يتقلاو مليح ونمرق بماء سخون ونخليها طيب ومن جهة أخرى ناخذ السميد والملح وندير الماء ونعجن حتى تتلم ونتحصل على عجينة يابسة شوية نغطيها ونخليها ترتاح

ناخذ العجينة نقسمها على 2كرات نديرلهم فرينة او سميد رقيق ونحل دائرة رقيقة شوية وندير كمية مليحة تاع فرينة ونطويها على2 ونحلها ونزيد الفرينة ونزيد نطويها ونحلها شوية ثم نحلها ونروليها حربوش او نخليها مطوية على2 ونقطع مستطيلات نحطهم فوق بعضاهم ونقطعها رقيقة نسيرها للتخلص من الفرينة نحطها تفور ونديرها فالمرق او نديرها مباشرة فالمرق(نفورها باه متشربش المرق بزاف ومتتقطعش)نقدمها مزينة بحار ومعدنوس او نعناع