في إناء نحط كاس ونص ماء دافي والخميرة والسكر والسميد الرطب نحرك مليح نغطيها ونخليها تخمر مدة 15 د

كي تخمر نزيد عليها الخل والملح ونلم بالفرينة حتى نتحصل على عجين يلصق في اليد

ندخل فيه زيت الزيتون مليح نغطيه ونخليه يخمر.

بالنسبة للحشو في مقلاة ندير القليل من الزيت يسخن نحط البصل نشحرو شوية ونزيد الجزر المبشور ونقلي ومن بعد نزيد القورجات ونقلي الكل جيدا ونضيف القليل من الكفتة ونخلي الكل يتقلى

من بعد نضيف التوابل(الملح، الفلفل الأسود، الطحميرة، سكين جبير، الكركم، قصبر ناشف، ثوم غبرة، فلفل أحمر حار، 2 ورقات رند، القليل من الزعفران) ونزيد الطماطم المصبرة نخلط الكل حتى تتجانس المكونات نضيف الطماطم المبشورة ونحرك مليح.

وفي الأخير نضيف القليل من الزعيترة ونخلي الكل يطيب على نار هادية حتى تنشف من الماء ونطفي.

كي يخمر العجين نقطعو إلى قطع متساوية بمساعدة السميد الرطب، والحشو نضيف عليه جبن المثلثات ونخلط

نبدى بالأولى نحل الأطراف جيدا ونخلي الوسط شويةغليظ نحط الحشو ونلم الأطراف كيما الكموسة ونحطها بجيه حتى نكل كل الكريات اللي عندي

بلا نخليهم يخمرو غي نكل نبدى بالولى نحلها بمساعدة السميد الرطب ونبدى نطيب فوق مقلى ثقيلى وعلى نار متوسطة.

وشهية طيبة.