نحط فرينه وملح وزيت وخل ورشه خميره الحلوى ونجمع عجينه بالماء البارد حتى نتحصل على عجينه متماسكه ،نغطيها نخليها ترتاح.بعدها نحل عجينه على سطح عمل مرشوش بالفرينه.نجبد زبده التوريق من الثلاجه ونبشرها على عجينه ،بعدها نلفها كما تشاهد في الصوره.

نحلها على شكل مستطيل ونطويها مره اول نجيب طرف نحط في وسط ونجيب طرف ثاني نحط فوق الطرف اول.

ونعاود نطويها على مره.نعاود نحل عجينه بنفس الطريقه اولى ونورقها بنفس الطريقه وتكون عجينه جاهزه.نحضر كريمه الجبن نحط في كسروله كاس حليب دافىء يسخن وفي إناء نخفق بيضه مع النشا حتى يمتزج نضيف عليهم قليل من حليب الساخن ونخفق نعاود نرجع خليط مع حليب ونحطهم فوق الغاز مع التحريك المستمر حتى تثقال كريمه وهي سخونه نضيف لها جبن ونتبلها بالملح وفلفل ونخفق حتى يذوب جبن ،نغطيها ببلاستيك غذاىي ونتركها تبرد.

نحل عجينه مورقه بسمك رقيق لان فيها خميره حلوى ننزع اطراف او حواف عجينه بسكين ونقطع مستطيلات بطول مونشو لتحب ،ونحط كريمه جبن من بعد مابردت وعاودت خفقتها بالفوي فرغتها في لابوش نطوي عجينه مره اولى وندهن ببياض البيض ونعاود نطوي مره ثانيه ،

نحط مونشو في الصينيه الفرن ،ندهن بصفار بيض وندخلهم يطيب (يستوي) في فرن ساخن مسبقا على نار متوسطه من فوق نقص للغاز حتى يطيب (يستوي) من تحت ويتنفخ نزيد له من فوق يحمر وجه. ويكون مونشو جاهزين مورقين وخفاف بكريمه بنينه.