بسم الله اللهم صلي وسلم على نبينا محمد في كوكوط وضعت اطراف الدجاج وفرمت الطماطم وبصل ضفتهم للكوكوك

ضفت الجزر كماهو والربطة تع الكسبر والكرافس والملح والزيت وراس الحانوت والفلفل الاحمر والتشيشة بعد ما غسلتها جيدا ونزعت منها السفى تاعهاومرقت بماء سخون وتركت الكل يطيب

كي طابت نزعت الجزر مرستو بشوكة وفي مهراس العود دقيت فصين ثوم مع ربع ربطة معدنوس وكروية وفلغل اسود دقيتهم ملييح وتركتهم جانبا اضفت للمرق تاعنا طماطم مصبرة حليتها في ماء مع شوية راس الحانوت وتوابل الشربة غلاو شوية في الحريرة ثم اضفت الكسبر والتوابل المدقوقين جوست ما حطيتهم اضفت فلفلات حارين وطفيت الغاز وغلقت الكوكوك وقت التقديم كي فتحت الكوكوك ريحة الحريرة واش نقلكم روووعة وبنتها ما نحكيلكمش تهبل