بسسي السميد بالسمن غطيه وخليه يبات ليلة كاملة

اخدمي الغرس فوريه ونقيه واعجنيه بالزبدة حتى يولي طري زيديلو رشة قرفة

احكمي السميد لي بسستيه ديريلو الملح وابداي بليه بخليط من الماء والماء زهر ماديريش على خطرة اخدمي غير بالحربوش

بعد ما تشكلي الحربوش تع العجينة افتحيه في الوسط وعمريه بالغرس واغلقيه مليح واقعدي دوري فيه باش تتاكدي بلي ماراحش يتفتحلك ثم اطبعيه بالطابع الخاص بالمقروط وقطعيه حبات وسويلهم ڨاع الجوانب وكملي مع العجينة الاخرى

حطي حبات المقروط يتقلاو في زيت يكون غامق وسخون لكن كي تبداي تقلي نقصي شوية النار باش يطيبولك من الداخل وما تخليهش يتحمر بزاف

حطي حبات المقروط بعد ما يبردو في عسيلة سخونة مخلطة مع شوية ماء زهر وحطيهم في لي كيسات