نحضر المكونات و نتبل الديك الرومي المفروم بالملح فلفل اسود كركم زنجبيل توابل المرڨاز و البابريكا و ملعقة صغيرة هريسة و ملعقة صغيرة خردل و بيضة كاملة و البقدونس و ملعقة خبز يابس ملعقة زبدة

هي مقلاة كبيرة نضع ملعقتين كبيرتين زبدة و خمس ملاعق زيت و نشكل اصابع الكباب و نقليهم على نار قاوية

بعد مانقلي الكباب نحط البصل يذبل في نفس الزيت و منبعد مايذبل نضيف الفلفل و نخليه يذبل

بعد مايذبلو نضيف الطماطم المسكرفجة مع الثوم و نخليها شوية و نضيفلها ملعقة كبيرة طماطم مصبرة و ملعقة صغيرة هريسة و ملعقة صغيرة خردل و ملح وفلفل اسود و زنجبيل وكركم

كي يذلو كامل ويتقلاو مليح مليح نضيف كأسين ماء و بعد ما يغلي نحط الكباب و نخليه على نار هادية و بعد مايطيب نحط البيض على حسب أفراد العائلة